 |
|
|
Azaroak 14a: 9:30etan, Lasarten, autobusean sartu eta
Arantzarantz abiatu ginen. 10:30etan Arantzara iritsi ginen. Itzi, Beñat eta Beñat
monitoreak gure zain zeunden. Maletak
eta motxilak hartuta, aterpetxera joan ginen. Arauak azaldu ondoren hiru
taldetan banatuta herria ezagutzera joan ginen. 13:00etan bazkaldu genuen: makarroiak
eta albondigak goxo-goxoak.
15:00etan SAN JUAN XAR ezagutzera
abiatu ginen. Galtzada erromatarretik ibiliz hasieran, Europako leku hezeenetatik eta Arrata errekaren ondoan pasatu eta gero,
naturak egindako kobazuloetara iritsi ginen eta bertan, San Juan Xar eskultura
eta San Juan iturria ikusi genituen.Kondaira
polit bat kontatu ziguten, eta herri sinesmenaren arabera, iturri honen urak
sendatzeko gaitasuna du.
 |
| San Juan Xar eskultura. |
 |
|
“Zapi edo oihal bat bertako
iturrian busti eta mindutako gorputz atala igurtzen da, gero, zapia ondoko harkaitzetan
utzi behar da”
|
 | |||||
| San Juan Xar iturria. |
|
Gauean,
herrian zehar jolasten ibili eta gero, pijama jantzita ohera joan ginen. Berta
eta Oiartza patruilatzen ibilita eta gure urduritasunak lasaitu ondoren,
azkenean lotan geratu ginen.
Azaroak
15a : Arduradunak, gozaltzeko mahaiak prestatu eta ondo gosaldu ondoren, gure bila etorri
ziren monitoreak. Goizeko jolasa azaldu ziguten: “Altxorraren bila”. Herriko
mapak eskuetan eta taldeetan banaturik pistak bilatzera joan ginen. Bai zaila!
Ez zuen inork lortu altxorra aurkitzea!
Arratsaldean,
bazkaldu eta gero, “zuhaitz parkera” abiatu ginen. Bertara joateko, mendi bat
igo behar izan genuen, oso aldapatsua eta arrokatsua zen. Goian, monitoreek ziurtasun neurriak
azaldu zizkiguten, eta arnesak eta kaskoak buruan jarrira abentura hasi zen .
Esperientzia ikaragarria izan zen, errepikatzeko modukoa. Buelta, menditik
behera, beldurgarria izan zen, gaua iritsi zelako eta linterneen laguntzaz jaitsi behar izan ginelako.
 |
| Prest abentura hasteko. |
 |
| Goitik, paisaia ederrak ikusten ziren. |
Gauean, afaldu ondoren, diskotekan dantzan ibili ginen. Zein ongi pasa
genuen!
Azaroak 16a: Azken eguna iritsi zen. Frontoira joan ginen eta “herri
kiroletan” aritu ginen: zaku-lasterketak, txingak, lokotxak, soka-tira,
lauko-ski jolasa ….. Jolasa hauek ondo burutzeko “talde lana” garrantzitsuena
zela ikasi genuen.
 |
| Zakuetan, talde lana. |
 |
| koordinazio lana |
 |
| Indarrak neurtuz |
 | ||||||||||||||
| Soka prestatzen, profesionalak bezala |
 |
| Soka-tira |
Bazkaltzera aterpetxera bueltatu eta monitoreentzako bertso hauek prestatu
genituen:
Lasartetik etorri (e)ta
zein polita den Arantza
Euskara ikasiko dugu
izan gugan konfidantza
Zuekin aritu gara
jolas, irri eta dantzan
berriz etorriko gara
ez izan inoiz zalantza
Mundiala izan da (bis)
Arantzan egotea
bihotz puska bat (bis)
zuekin geratu da
(Doinua: Labezomorro)
 |
| Ion, Beñat eta Beñat monitoreak |
14:30etan autobusera hartzera abiatu
ginen, eta gurekin batera herriko txakur txiki bat autobusean sartu zen. Gurekin etorri nahi zuen. Pakito III. izena jarri
genion. Nekatuta iritsi ginen Lasartera, baina berriz bueltatzeko gogoz.
Itzela, ikaragarria,
dibertigarria, polita eta errepikatzeko moduko irteera izan zen.
 |
| 6. mailako ikasleak |
iruzkinik ez:
Argitaratu iruzkina